MHE. KIHANGA AKABIDHI MADAWATI 20 SHULE ZA MSINGI MAZIMBU A NA B.

Posted on: September 29th, 2022

DIWANI wa Kata ya Mazimbu na Mstahiki Meya wa Manispaa ya Morogoro, Mhe. Pascal Kihanga, amekabidhi jumla ya madawati 20 kwa shule za Msingi Mazimbu A na Mazimbu B.

Madawati hayo ameyakabidhi Septemba 29/2022 katika shule hizo ambapo  kila shule imepata madawati 10.

Akikabidhi madawati hayo, Mhe. Kihanga, amesema ametoa madawati hayo ikiwa ni ahadi yake ya uchaguzi lakini kubwa ni kuboresha miundombinu ya shule za Msingi zilizopo katika Kata yake kwa kutengeneza mazingira mazuri ya wanafunzi kupata elimu bora.

Katika hatua nyingine, Mhe. Kihanga, amewataka wananchi pamoja na wadau kuwekeza katika kuchangia maendeleo ya elimu na kuweka mikakati ya kutatua changamoto za madawati na zinazogusa sekta ya elimu.

" Nimefanya hivi ili kuhakikisha elimu katika Kata yetu na Manispaa kwa ujumla inakuwa bora na inayostahiki, lakini suala hili ni la kushirikiana kwani ni jukumu la kila mdau na jamii kwa ujumla katika kujitoa kwa hali na mali katika kuleta maendeleo.