TAARIFA YA MTIHANI WA DARASA LA SABA 2017

Posted on: September 5th, 2017

• Halmashauri ya Manispaa Morogoro ina jumla ya shule za msingi 87 zitakazofanya Mtihani wa Kumaliza Elimu ya Msingi (PSLE) 2017, kati ya hizo shule 62 ni za Serikali na shule 25 zisizo za Serikali. Jumla ya wanafunzi 7019 wakiwemo wavulana 3357 na wasichana 3655 wanatarajia kufanya Mtihani wa Taifa wa Kumaliza Elimu ya Msingi (PSLE) 2017. Aidha kuna jumla ya mikondo 263 ya mfumo wa Kiswahili na 43 ya mfumo wa Kiingereza, hivyo kufanya idadi ya mikondo kuwa 306.

2.0      MATOKEO YA MTIHANI WA KUMALIZA ELIMU YA MSINGI (PSLE) 2016:

• Matokeo ya Mtihani wa Kumaliza Elimu ya Msingi kuanzia mwaka 2013 hadi 2016 ni kama jedwali linavyoonesha hapa chini:

• Mwaka	Wanafunzi waliosajiliwa			Waliofanya			%	Waliofaulu			%
  	Wav	Was	Jml	Wav	Was	Jml		Wav	Was	Jml
  2013	2939	3336	6275	2883	3292	6175	98.04	2091	2461	4552	74
  2014	2740	3156	5896	2706	3120	5826	98	2028	2328	4356	75
  2015	2967	3352	6319	2927	3323	6250	99	2529	2242	4770	76
  2016	3236	3464	6700	3220	3440	6660	99	2495	2727	5225	78.47

3.0         UKAGUZI WA VITUO VYA MTIHANI:

Ukaguzi wa Vituo vya Mtihani ulifanyika tarehe 21/8 - 25/8/2017, jumla ya shule 87 zinazotarajia kufanya Mtihani wa Kumaliza Elimu ya Msingi (PSLE) 2017 zilikaguliwa. Aidha ukaguzi huo ulitegemea maoni ya kamati kwa vile baadhi ya shule hazina changamoto za kimiundombinu. Kamati ya Mitihani imehakikisha kuwepo kwa Kasiki madhubuti za kuhifadhia mitihani na kuwepo kwa vifaa muhimu vya kufanyia mtihani kama:- Penseli (HB) zisizo na ufutio, Vifutio, Vichongeo, Vifaa vya kunawia mikono kabla ya kuingia chumba cha Mtihani kwa ajili ya kuzuia uchafuzi wa OMR pia watasisitizwa usafi wa madarasa na madawati/meza, aidha walimu watahimizwa kuhakikisha kuwa kila mwanafunzi anakuwa na kitambaa chake cha kufutia mikono baada ya kunawa.

4.0 SEMINA NGAZI YA WILAYA:

• Semina ya maelekezo kuhusu Uendeshaji na Usimamizi wa Mtihani wa Kumaliza Elimu ya Msingi (PSLE) 2017, ilifanyika tarehe 14/8/2017 katika Ukumbi wa Chuo cha Ualimu Morogoro kulingana na ratiba iliyotolewa na Mkoa. Katika semina hiyo Kamati ya Mtihani ya Mkoa ilihusika kutoa mada na maelekezo ya usimamizi.

• 
  5.0 UPOKEAJI WA VIFAA VYA MTIHANI:
  •             Vifaa vya mtihani vilivyokwisha kabidhiwa wilayani ni CAL, TSM 9, rubber band, makasha na vibao na hakuna upungufu wowote. Aidha vifaa vingine vitapokelewa wakati wa makabidhiano ya mtihani.
  • 
    
  • 
    6.0 ULINZI WA MTIHANI KABLA, WAKATI NA BAADA YA MTIHANI:

  • Askari 7 watahusika na ulinzi wa Kasiki, Askari 10 watahusika na ulinzi wakati wa kupeleka mitihani kwenye Kanda za mitihani na Mgambo 87 watahusika na ulinzi kwenye vituo vya mtihani.

    
    Uongozi wa Halmashauri ya Manispaa ya Morogoro unawatakia mitihani mema wanafunzi wote wa darasa la saba.
    Tunaamini maandalizi yaliyofanyika tangu shuleni kwa kufanya majaribio ya kila mwezi pamoja na mitihani ya Utamilifu Wilaya na Mkoa yatazalisha matokeo na ufaulu mzuri wa wanafunzi wetu.