KAMATI YA KUDHIBITI UKIMWI YAWATEMBELEA WADAU WANAOJIHUSISHA NA UDHIBITI WA VVU KATA YA KIWANJA CHA NDEGE.

Posted on: July 25th, 2024

KAMATI ya Kudhibiti UKIMWI Manispaa ya Morogoro ikiongozwa na Naibu Meya wa Manispaa , Mhe. Mohamed Lukwele, imesema inajikita zaidi katika kupunguza maambukizi mapya ya Virusi Vya UKIMWI.

Kauli hiyo,imetolewa Julai 25-2024 kwenye Ofisi ya Kata ya Kiwanja cha Ndege ikiwa ni sehemu ya ziara ya kamati hiyo ya kutembelea baadhi ya wadau wanaojihusisha na masuala ya UKIMWI ikiwa ni lengo la kujifunza ni kwa namna gani Manispaa ya Morogoro itaweza kupunguza kwa kiasi kikubwa maambukizi mapya ya Virusi Vya UKIMWI.

Kamati imeweza kupata taarifa fupi ya kwa namna gani Manispaa imeweza kudhibiti kwa kiasi kubwa maambukizi mapya ya UKIMWI.

Mhe.Lukwele, amesema kuwa kufanya ziara hizo ni moja ya kujiwekea malengo ya Manispaa kuendelea kuweka mipango thabiti ya kumaliza kabisa maambukizi mapya.

Naye Kaimu Mkurugenzi wa Manispaa ya Morogoro ambaye pia ni Afisa Maendeleo ya Jamii Manispaa ya Morogoro, Faraja Maduhu, amewaomba wadau wa masuala ya Ukimwi kujitokeza zaidi ili kuweza kupunguza changamoto zinazowakabili kwani wadau waliopo hawatoshi kufikia vituo vyote vya kutolea. huduma.

Kwa upande wa Maratibu wa kudhibiti Ukimwi , Manispaa ya Morogoro, Upendo Elias, ameishukuru Kamati kwa ziara hiyo kwani itasaidia sana na wao kuweza kujifunza ili kujua wapi waongeze na wapi kwa kupunguza ili waweze kufikia lengo la kudhibiti maambukizi mapya ya UKIMWI.