Kusimamia shughuli za maendeleo ya jamii kwenye Serikali za Mitaa.
Majukumu
Divisheni hii inatekeleza majukumu yafuatayo:-
Kuchambua, kutafsiri na kusimamia utekelezaji wa sera, sheria na taratibu zinazohusu maendeleo ya jamii;
Kuwezesha jamii kuanzisha, kupanga, kutekeleza na kutathmini program na miradi yao wenyewe;
Kuandaa mipango na miradi ya muda mfupi nay a muda mrefu ya maendeleo ya jamii katika ngazi ya Serikali za Mitaa;
Kuendesha utafiti na kupendekeza jinsi ya kushughulikia matatizo mbalimbali ya maendeleo ambayo yanakwamisha maendeleo ya jamii kwa kushirikiana na Wizara inayohusika na maendeleo ya jamii na wadau wengine;
Kudhibiti na kusimamia utendaji wa watoa huduma za mikopo midogo midogo daraja la nne chini ya maelekezo ya Benki Kuu ya Tanzania (BOT);
Kuratibu na kusimamia shughuli za maendeleo ya kiuchumi kwa wanawake, watoto na watu wenye ulemavu;
Kuratbu utoaji wa mafunzo kuhusu utokomezaji wa umaskini, UKIMWI, dawa za kulevya na usawa wa kijinsia;
Kuratibu na kusimamia shughuli za NGOs na CBOs katika maendeleo ya jamii; na
Kuratibu na kusimamia shughuli za maendeleo ya jamii kwenye Serikali za Mitaa.
Divisheni hii inaongozwa na Mkuu wa Divisheni na inazo seksheni mbili kama ifuatavyo:-
Seksheni ya Uratibu wa Masuala Mtambuka; na
Seksheni ya uratibu wa NGOs na CBOs.
Seksheni ya Uratibu wa Masuala Mtambuka
Seksheni hii inatekeleza shughuli zifuatazo:-
Kuchambua, kutafsiri na kusimamia utekelezaji wa sera, sheria na taratibu zinazohusu maendeleo ya jamii;
Kusimamia utekelezaji wa mipango na miradi ya Maendeleo ya Jamii;
Kuandaa mipango na miradi ya muda mfupi na muda mrefu ya Maendeleo ya Jamii;
Kuendesha utafiti na kupendekeza kuhusu jinsi ya kushughulikia matatizo mbalimbali ya maendeleo;
Kuratibu na kusimamia maendeleo ya wanawake, watoto na watu wenye ulemavu;
Kuratibu na kutoa mbinu za mafunzo, kusaidia kuiweka huru jamii dhidi ya umaskini, UKIMWI, dawa za kulevya na kutetea usawa wa kijisia;
Kuhamasisha ushiriki wa jamii na kujitolea katika miradi/program za maendeleo;
Kuratibu na kushiriki katika ujenzi wa uelewa kuhusu ushiriki wa jamii katika maendeleo ya jamii;
Kuratibu na kushiriki katika kuhamasisha jamii kuhusu ushiriki katika kupanga, kufanya maamuzi, kutekeleza na kutathmini miradi inayohusisha watu wengi; na
Kufanya tafiti kuhusu masuala ya maendeleo ya jamii ambayo yanakwamisha maeendeleo ya jamii.
Seksheni hii inaongozwa na Afisa Anayehusika.
Seksheni ya Uratibu wa NGOs na CBOs
Seksheni hii inatekeleza shuguli zifuatazo:-
Kuratbu uandikishaji wa NGOs na CBOs na kusimamia shughuli zao katika maendeleo ya jamii;
Kuratibu utoaji wa elimu ya uraia katika jamii;
Kuanzisha na kuendeleza ushirika na taasisi, asasi za ndani nan je ya nchi zinazoshughulika na uhamasishaji wa shughuli za maendeleo ya jamii kupitia Wizara inayohusika na maendeleo ya jamii;
Kuratibu na kusimamia miradi yote inayohusu maendeleo ya jamii;
Kusimamia utekelezaji wa makubaliano yote yanayohusu maendeleo ya jamii;
Kuandaa taarifa za mara kwa mara zinazohusu Maendeleo ya Jamii; na
Kudhibiti na kusimamia shughuli za watoa huduma ndogo za fedha daraja la nne chini ya miongozo ya Benki Kuu ya Tanzania.
