Kitengo cha TEHAMA ndicho chenye mamlaka ya kusimamia Mifumo yote iliyosimikwa ndani ya Manispaa ya Morogoro kama vile LGRCIS, LAWSON, FFARS, GoT-HOMIS, BEMIS, PREM, EPICOR, PLANREP, TASAF, SELFORM, Tovuti ya Manispaa na mingine, pamoja na vifaa vyote vya Tekinolojia katika Halmashauri ya Manispaa ya Morogoro.
2. MAJUKUMU YA KITENGO
Kitengo cha TEHAMA kinafanya kazi mbali mbali katika kuboresha matumizi ya Teknolojia ya Habari na Mawasiliano katika Halmashauri ili kuendana na wakati na kufanikisha urahisishaji wa kazi katika matumizi ya Mifumo mbali mbali ya Kompyuta inayotumika katika Idara za Halmashauri ya Manispaa ya Morogoro, kuhakikisha Wananchi na Wakazi wa Morogoro wanatumia TEHAMA katika shughuli zao na kuwapunguzia usumbufu wa kupata mahitji yao Kama ilivyoainishwa katika ilani ya Chama Tawala Chama Cha Mapinduzi (CCM) Sura ya nne SAYANSI, TEKNOLOJIA NA UBUNIFU (Ukurasa wa 151 mpaka 154)
Mchanganuo wa kazi ni kama ilivyo aninishwa hapa chini:
Kusimamia mifumo yote ya kompyuta iliyosimikwa ofisi zote za Manispaa
Kuhakikisha mtandao (internet) unapatikana kwa muda wote na kwa ubora unaohitajika
Kutoa elimu kwa Jamii jinsi ya matumizi sahihi ya Mitandao ya kijamii faida na Hasara zake
Kuhakikisha vifaa vya TEHAMA vinafanya kazi kama vile Kompyuta, Scanner, Photocopy, Printers
Kuboresha Miundombinu ya mtandao wa ndani (Local Area Network ‘LAN’) katika ofisi za Manispaa ya Morogoro
Kutoa usaidizi wa kiufundi , kitaalamu, ushauri na kutatua matatizo ya vifaa vya kielekroniki na Mifumo iliyopo.
Kutoa mafunzo mbalimbali ya mifumo yote ya serikali kwa watumishi wote kadri maboresho yanavyofanyika.
Kusimamia na kuboresha mfumo wa mapato wa Manispaa ya Morogoro na kuhakikisha matumizi ya POS katika maeneo yote ya Makusanyo ya mapato.
Kukagua/Kutengeneza POS machine zote kila baada ya wiki moja ili kuhakikisha hakuna mapato ya Serikali yanayopotea kwa kutumia POS tofauti na Maelekezo
