MOREPEO YAIOMBA MANISPAA KUSAIDIA WAZEE KUANZISHA MABARAZA

Posted on: October 2nd, 2017

SHIRIKA la kuhudumia wazee Mkoani Morogoro (MOREPEO)  limeuomba uongozi wa Halmashauri ya Manispaa ya Morogoro kuharakisha mchakato wakuwatambua wazee wote waliopo  ili kuweza kuunda mabaraza  maalumu ya wazee.

Hayoyalisemwa jana  na Mkurugenzi wa Shirika hilo Samson Msemembo wakati akizungumza katika maadhimisho ya siku ya wazee ambayoufanyika kila mwaka.

Alisemakuwa   manispaa inapaswa kuwatambua wazee wote waliopo ili kuundwa mabaraza hayo jambo ambalo litawasaidia wazee kukutana na kujadili masula na changamoto mbalimbali za wazee na kisha kero zaokuzifikisha katika ngazi ya maamuzi.

‘’Tumeshatoa miezi miwili kwa Halmashuri ya Manispaa  ya Morogoro  kusimamiana kuhakikisha mabaraza hayo yanaundwa ‘’alisema Msemembo .

Hata hivyo alisema kuwa wazee mkoani Morogoro wanakabiliwa na changamoto kubwa yakulea watoto yatima na wale wenye maambuki ya virusi vya ukimwi huku wakikosa rasilimali fedha ya kuendesha  maisha yao ya kila siku .

Kwaupande wake Mstahiki Meya  wa Manispaa ya Morogoro Pascal Kihanga aliwataka wazee kuwa wavumilivu wakati wakisubiri mchakato wa  mabaraza hayo kuundwa kila kata .

‘’Nawaomba wazee kuwa wavumilivu wakati wakisubiri mabaraza haya kuundwa kwani yatawapa fursa wazee kukutana  na kuwa na Mwenyekiti  wao‘’alisema  Kihanga.

Hatahivyo Mstahiki Meya aliwashukuru wadau mbalimbali na mashirika yanayosaidiawazee  kwani serikali peke yake haiwezi  kwaniwazee wanapaswa kusaidiwa kwani walishalitumikia taifa kwa muda mrefu .