MWENYEKITI TUME YA UCHAGUZI ASISITIZA WANANCHI KUJITOKEZA KUBORESHA TAARIFA ZAO KATIKA DAFTARI LA KUDUMU LA WAPIGA KURA

Posted on: March 1st, 2025

Mwenyekiti wa Tume huru ya Uchaguzi Mhe.Jaji wa Rufani Jacobs Mwambegele leo March 1,2025 amezindua uboreshaji wa Daftari la kudumu la wapiga kura katika kituo cha shule ya Msingi  Mafiga B Manispaa ya Morogoro na kushuhudia wananchi wengi wakiwa wamejitokeza kuboresha taarifa zao.

Jaji Mwambengele amewataka wananchi ambao wanapaswa kuboresha taarifa zao kufika katika vituo vilivyopo katika maeneo yao kuboresha taarifa zao mapema na sio kusubiri hadi siku ya mwisho ya Machi 7.

Vituo vilivyotembelewa na Mwenyekiti huyo wa Tume Huru ya Uchaguzi ni Pamoja na kituo cha Mafiga B,kituo cha Ukwele kata ya Mafiga ,Kituo cha mtaa wa Ukwele kata ya Sultan Area,kituo cha Wamo kata ya Boma,Kituo cha Tushikamane kata ya Lukobe.

Zoezi hili la uboreshaji taarifa katika Daftari la kudumu la wapiga kura limeanza Machi 1 na litahitimishwa Machi7.