UWT WAADHIMISHA MIAKA 47 YA CCM KWA KUWASAIDIA WAATHIRIKA WA MVUA MOROGORO MJINI

Posted on: January 29th, 2024

Mkuu wa Wilaya ya Morogoro mheshimiwa Rebecca Nsemwa, leo tarehe 29.01.2023 amepokea msaada wa chakula, sabuni, na mavazi kutoka kwa Kamati ya Maafa yaUmoja   wa   Wanawake   wa   Tanzania   (UWT)   mkoa   wa Morogoro,   msaada   uliolengakuwafariji   wananchi wa Manispaa  ya   Morogoro,   waliopatwa na maafa kutokana na mvua nyingi zinazoendelea kunyesha.

Mara   baada   ya   kupokea   msaada   huo, mheshimiwa Nsemwa   amewashukuru wananwake   wa   (UWT) mkoa   wa   Morogoro   kwa   tendo   hilo jema   walilofanya,   kishaakatoa   wito   kwa   watu   mbalimbali,   taasisi   na   mashirika   yaliyomo   ndani   na   nje   ya Morogoro kujitokeza kuwasaidia   wananchi   walioathiriwa   na   mvua   zinazoendelea kunyesha kwani msaada kama huo wa chakula na mavazi unahitajika sana kwao kwa sababu maafa ni jambo ambalo mtu hapangi limkute.

Mheshimiwa   Nsemwa   ametoa   wito   kwa   wananchi   ambao   bado   wanaishi kwenye maeneo ambayo  ni mikondo ya maji, waondoke kwenye  maeneo hayo kwani  mvua bado zinaendelea kunyesha na huenda zikaunganisha na mvua za masika, hivyo ni vyema kuendelea kuchukua tahadhari kwa kuhama kwenye maeneo yote hatarishi.

Aidha, mheshimiwa Nsemwa amevipongeza vikosi vya uokoaji vya Wilaya kwa msaada mkubwa uliosaidia wananchi kuwa salama, walioutoa siku chache zilizopita baada ya maji kuathiri makazi ya watu na mali zao. 

“Juzi vikosi vyetu vya uokoaji viligawana maeneo ya kufanya uokoaji na hii ilisaidia sana  wananchi   wetu   kuwa salama.   Lakini   pia   tunashukuru kwamba   mvua ilinyesha mchana   huenda   ingenyesha   usiku   maafa   yangekuwa makubwa   zaidi.   Ninawasihi wananchi   katika   kipindi   hiki, punguzeni   safari   za   usiku   zisizokuwa   za   lazima,   na mnapofikwa na majanga msipaniki bali kuweni watulivu na mpige simu Ofisini kwangu ili tuweze kuwapatia  msaada   wa   uokozi   kupitia vikosi  vyetu   vya   uokoaji. Mkipaniki na kuanza kukimbia huku na kule mnaweza kusombwa na maji” alieleza Nsemwa.

Kwa upande wake Katibu wa UWT mkoa wa Morogoro, ndugu Mwajabu Ally Maguluku,ambaye ndiye alikabidhi msaada huo kwa Mkuu wa Wilaya ya Morogoro, amesema msaada walioutoa una thamani isiyo pungua shilingi laki tano za Tanzania, na kwamba imekuwa ni desturi   yao   kutoa   misaada kama hiyo katika   kipindi   hiki ambapo awali, walifanya hivyo kwa maeneo ya Kilosa, Hanang, na Mvomero.

Amesema   Wanawake   wa   UWT   wataendelea   kuchangishana   ili   kuendelea   kuleta msaada kwa waathirika wa ndani ya Manispaa ya Morogoro. Lakini pia amemshukuru mbunge wa Jimbo la Morogoro Mjini, Mheshimiwa Abood kwa kuwa tayari kuwapatia usafiri kila mara wanapohitaji kwenda mahali fulani kupeleka misaada kwa waathirika wa mvua.

Umoja wa Wanawake wa Tanzania (UWT), wametoa msaada huo ikiwa ni namna yaoya kuadhimisha miaka 47 ya kuzaliwa kwa Chama cha Mapinduzi (CCM) nchini.

MWISHO